Nahitabo kini niadto lang Lunes sa kaadlawon sa Sitio Maraag, Sudlon 2 ning dakbayan sa Sugbo.
Ang anaa karon sa tambalanan human maigo sa pagrapido giilang si Oscar Layasan, hingkod ug maoy piniyalan sa farm ni Wilhelm Go.
Si Layasan kinsa nakaangkon og samad pinusilan sa dughan ug bukton pabilin pang nagpaalim sa tambalanan.
Gituohang upat ka mga wala mailhing lalaki ang responsable sa pagpangrapido sa farm ni Go sa nahisgutang lugar.
Si Supt. Mariano Natuel, hepe sa Service Security Group (SSG) maoy nangunay og adto sa maong dapit miasoy sa mga tigbalita kagahapon nga nakakuha sila og 15 ka empty shells sa Garand rifle didto sa crime scene.
Nagduda si Natuel nga posibleng anti communist ug kanhi Cafgu ang responsable sa pagpangrapido ug pagkawagtang sa 14 ka manok igtatari.
Matud ni Natuel nga ang matag usa sa manok nagkantidad kini P10 mil ngadto sa P15 mil way labot sa broad cock nga balor og P40 mil.
Sumala pa ni Natuel ang garand rifle maoy gamiton sa anti-com ug cafgu kay mao kini giisyu sa gobeyerno kaniadto.
Usa sa gitun-an karon sa kapolisan mao ang piniyalan nga si Layasan kun wala ba kini makakita og kontra sa maong dapit.