Bro Soc miapil sa Ayala- MCWD pag-awhag ni Gwen

Si Mayor Socrates Fernandez sa dakbayan sa Talisay nakighiusa na karon sa mga opisyal sa amihanang bahin sa lalawigan sa pag-awhag kang Gobernador Gwendolyn Garcia sa pagpanginlabot sa kalihukan sa Metropolitan Cebu Water District.

Miapil si Fernandez sa maong isyu pinaagi sa pagpirma sa sulat hangyo ngadto kang Garcia sa pagpatuman sa gahum niini isip maoy oppointing authority sa pagtudlo og sakop sa board of directors sa MCWD.

Si Fernandez kauban sa pagpirma sa maong sulat nila ni Mayor Thadeo Ouano sa dakbayan sa Mandaue, Mayor Antonio Dangoy sa Compostela, Mayor Avelino Gungob sa Consolacion, Vice Mayor Norma Patalingjug sa dakbayan sa Lapulapu, Vice Mayor Danilo Sinugbuhan sa Cordova, Vice Mayor Merlito Surita sa Liloan, Konsehal Eugene Espedido sa dakbayan sa Lapulapu ug Konsehal Greg Jumao-as sa Cordova.

"We humbly request the honorable governor to exercise your authority of appointing the members of the board of directors of MCWD," ang sulat nagkanayon.

Dugang pa nila sa nagkadaghan na ang lungsod ug dakbayan sa lalawigan nga konsumedor sa MCWD. Labing gikinahanglan na usab nga adunay magdala sa tingog sa lalawigan nga nagtan-aw sa kaayuhan sa katawhan.