Holiday pagtapos sa Ramadan karong Oktubre 24 — GMA

Walay trabaho ug walay klase ang mga tulunghaang publiko ug pribado karong Oktubre 24 niining tuiga human usab ideklarar ni Pangulong Gloria Macapagal Arroyo nga holiday ang maong adlaw.

Kini gihimo alang sa paghatag og gibug-aton sa katawhan alang sa katapusang adlaw sa pangilin sa Ramadan sa mga Muslim Filipino sa nasud.

Ang pagdeklarar nga haliday sa Oktubre 14 ang natigayon pinaagi sa giluwatang Proclamation Number 1155 nga gipirmahan ni Executive Eduardo Ermita base usab sa gihatag nga pagtugot sa presidente kaniya,

Gipasabot ni Ermita nga nagkinahanglan gayod ang pagtamod sa ilang mga tinuohan sanglit tipik ug kabahin man ang mga Pilipinhong Muslim sa atong katilingban.

Ang Ramadan sa mga Filipino Muslim nga ilang gisugdan sa pagbukas sa miaging semana ang gikatakda matapos sa Oktubre 24 niining tuiga.

Dugang pa ni Ermita nga pagdeklarar nga holiday sa Oktubre 24 maoy tamod usab sa adlaw sa katawhang Pilipino nga sagrado sa mga Muslim ang mga adlaw sa ilang Ramadan.