Si Gregorio Jumao-as alyas " Greg" taga dalan Tabada, Mambaling niining dakbayan gihukman ni de Gracia nga mabilanggo sa tibook kinabuhi ug pabayron og P500 mil nga multa human kini napamatud-ing nakalapas sa Section 11 "possession" Article II sa RA 9165.
Ika-duhang silot ni Jumao-as mao ang pagkabilanggo niini sulod sa usa ka tuig ngadto sa duha ka tuig kun 'Prison Correctional" ug pabayaron og P10 mil nga multa human usab kini mapamatud-i nga nakalapas sa Section 12 "paraphernalia" Article II sa RA 9165.
Niadtong Septiyembre 2003 si Jumao-as nasakmitan sa mga polis og tulo ka sachet nga shabu ug tulo ka paketeng dunay traces sa shabu sa pagpahigayon og pagpangronda sa mga sakop sa Regional Intelligence and Investigation Division (RIID).
Dala sa mga sakop sa RIID ang search warrant batok ni Jumao-as nga giluwatan ni Regional Trial Court Judge Soliver Peras sa branch 10 sa maong pagpangronda.
Sa maong adlaw, si Jumao-as nasakmitan usab sa mga polis og shabu paraphernalia.
Si Jumao-as mihimakak sa mga pasangil batok kaniya apan wala kini hatagi og gibug-aton ni de Gracia tungod kay ang akusado wala makapakita og lig-ong kamatuoran nga dili tinood ang maong mga pasangil.