Magpakaaron-ingnong secret marshals di moplete

Dunay mga tawong mosakay sa panahon ug magpaka-aron-ingnon mga police secret marshals aron dili makabayad og pamasahe sa mga PUJ dinhi sa dakbayan sa Sugbo.

Nasurpresa niining maong impormasiyon si Mayor Tomas Osmeña ug daling niawhag sa kapulisan paghimo og pakisusi niining maong taho.

Nunot niini gitambagan sa mayor ang mga drayber nga pabayron og plete kadtong mga tawong magpaila nga police secret marshals kon mosakay.

Gusto sa mayor nga kadtong magpaila nga secret marshals gikinahanglang mosakay kini sa usa ka dapit sama pananglit sa Pardo ug anha usab kini manaug sa susamang lugar. "I would like to suggest to the drivers nga kun asa mosakay adto usab manaug ug kun mosakay sa Pardo unya adto manaug sa Colon aw paninglan na og plete" matud sa mayor.

Ang mga police secret marshals giduso sa kapolisan aron pagsumpo sa misiaw karon nga mga pagpanulis sa mga PUJ dinhi sa dakbayan niining nangaging mga adlaw.