Managbayaw gipatay

Namatay ang managbayaw nga lalaki human mabiktima sa pagpamusil sa miaging gabii sa managsoon nilang silingan sa Lipata, Linao, Minglanilla, Cebu.

Ang mga namatay mao sila si Jurame Concepcion, 31 anyos, minyo ug ang bayaw niining Herry Hernan Rosal, 39 anyos ug pulos nagpuyo sa maong dapit.

Ang duha pulos gipusil sa kalibre 45 nga armas nga maoy nakaingon sa grabe nilang pagkaangol ug patay na nga nahidangat sa tambalanan.

Ang mga suspetsado mao ang magulang ug manghod nga sila si Ryan Mendoza, sakop sa Alpha Kappa Rho (Akrho) fraternity ug si Retchie Mendoza nga silingan sa mga biktima.

Si SPO1 Ricky Larobes sa kapolisan sa Minglanilla nga gikahinabi sa Banat News miingon nga ang pamilya sa mga suspetsado ug ang pamilya sa mga biktima ang nagkabangi sa utlanan sa yuta.

Dugang pa ni SPO1 Larobes nga unang napusilan si Concepcion sa mga suspetsado ug ang bayaw sa biktima nga si Rosal ang nagdali unta sa pagsusi sa nabating boto sa armas dihang gipusil usab.

Human sa pagpamusil kang Rosal ang mga suspetsado misibat.

Show comments