Kini nahitabo sa duha ka panimalay sa miaging gabii pasado alas 6 sa Sumalinog Compound, Marigondon siyudad sa Lapu-Lapu
Nangulo sa buy bust operation si Police Insp. Francisco Baguio, PO3 Mario Poblete ug PO2 Victor Pepito gamit ang marked money.
Ang mga suspetsado nga nasikop atol sa buy bust operation giila nga sila si Elmer Soronio, 34, Johny Gonsales, 28, Aron Villamor, 28, Ellicer Cañete, 29, Araceli Navasco, 31.
Nakuha gikan sa lima ang mga ebidensya nga pito ka gagmay'ng putos dunay sulod nga gituohang shabu, laing tulo ka putos nga giablihan nga may sulod nga shabu ug upat ka improvised tooter.
Sa ikaduhang buy bust sa mao gihapon nga lugar nasikop si Terrence dela Cerna.
Samtang nakalighot pag-ikyas si Jun-Jun Sumalinog, nga taga Mambaling ning siyudad sa Sugbo nga nakuhaan usab og ubay-ubay nga ebidensya, usa ka medium pack, usa ka gamay nga pakete sa gituohang shabu, kuwarta nga P200, lima ka aluminum foil, duha ka improvised bamboo sealer.
Bisan paman nga nakaikyas si Junjun apil gihapon siya sa kasong ipasaka sa kapolisan ngadto sa piskaliya sa Republic Act 9165 ubos sa section 5 ug 12.