Matud pa ni Franz Angelo Muñoz ang CIIS Supervisor sa Customs Port of Mactan nga gitugot ni Cebu Customs District Collector Ricardo Belmonte ug Customs Sub-Port of Mactan Collector Atty. Ernesto Urbano.
Kagahapon sa buntag pormal nga gisumiter ni Muñoz ang hold-order ngadto sa buhatan ni P/Supt. Lyndon Lawas ang hepe sa Firearms and Explosive Divisions sa PNP 7.
Matud pa ni Muñoz ang pagluwat sa maong hold-order agi og pagsusi kung legal ba usab ang pagpasud sa maong matang sa armas dinhi sa nasud gumikan kay ang maong AK 47 ginama kini sa gawas sa nasud ug kini angayan nga susihon kung wa ba kiniy kalapasan sa Tariff and Customs Code of the Philippines kun TCCP.
Kung kini adunay deperensiya sa mga papeles sa pagpadala niini dinhi sa Sugbo hinungdan sa pagkumpiskar sa mga sakop sa PCAS 7 busa angayan usab kining susihon ang mga papeles kung diin kini magagikan ang maong armas.
Hinuon mipadayag si Muñoz nga kung kini walay kalapasan nga nahimo sa TCCP ila gihapon kining buhian ngadto sa tag-iya niini.
Kahinumduman nga ang 12 ka armas nga AK 47, 2 ka HK 53, usa ka M16-A1 ug ang lima ka 12 gauge shotgun ug 930 ka mga bala niini ang nakumpiskar sa PCAS 7 niadtong petsa 25 ning bulana sa Cebu Pacific Cargo sa MCIA diin aduna kiniy kakulian sa mga papeles.
Ang mga armas gipadala ni Rommel Pawaon nga gikan sa Kadayawan Security and Investigation Agency sa dakbayan sa Davao ug gipadala dinhi sa Sugbo sa sangang buhatan niini nga mao ang Davao Security and Investigation Agency nga nahimutang sa Sitio Matumbo, Brgy. Pusok dakbayan sa Lapu-Lapu diin ang branch manager mao si Romulo Masauding Jr.
Ang mga armas pormal na kining gitugyan ngadto sa buhatan ni P/Supt. Lawas alang sa dugang imbestigasyon.