Nakaangkon og duha ka samad pinusilan sa tuong tiil ug tuong bukton ang biktimang si Jason Montecillo, 21, ulitawo, residente sa Mambaling ning dakbayan.
Apan walay suwerte ang notadong tulisan kay nadakpan sa mga sakop sa Mobile Patrol Group uban sa mga tanod, giila mao si Archie Samontesa, residente sa Spolarium, Duljo Fatima.
Sigun sa report sa kapolisan ang biktima ug suspek nagsakay sa PUJ apan paghidangat sa nahisgutang lugar kalit lang mideklarar og tulis sa biktima dungan sa pagtion sa dala niining .357 rebolber.
Matud pa ang biktima nagdumili kini paghatag sa 3210 nga celphone ngadto sa suspek ug gipusil hinuon sa makaduha ka higayon sa dayon nang ambak sa PUJ.
Si Montecillo daling gidala sa Cebu City Medical Center, padayon pang giatiman sa mga mananambal sa maong tambalanan.
Si SPO1 Richard Catacutan sa Mobile Patrol Group nga nahinabi sa Banat News miingon nga ang suspek positibong giila sa mga biktima.
Usa ka Marcelo Solibio Sr. lumolupyo sa Spolarium mipatim-aw sa ilang buhatan nga matud pa usa usab nga nabiktima ni Samontesa human siya gitionan og kutsilyo dayong kuha sa gold ring nga may diamond niadtong miaging semana
Si Samontesa kasamtangan gitanggong sa karsel sa Mobile Patrol Group sa CCPO.