Ang biktima mao si Jolito Alconera, 52, minyo ug nanimuyo sa maong dapit.
Ang nakadunggab mao si Richard Verano, 52 , minyo nga nagpuyo sa maong dapit.
Si PO3 Gerry Trinidad sa kapolisan sa maong dakbayan nga gikahinabi sa Banat News miingon nga nayabyab gayod ang tiyan sa biktima nga naigo sa nga kutsilyo nga gidunggab ni Verano.
Dali nga gidala ang biktima sa Toledo District Hospital apan nakabsan gayod kini sa iyang kinabuhi.
Dugang pa ni P03 Trinidad nga mitahan ang suspetsado sa ilang buhatan ug gibalhog kini sa bilanggoan.
Ang suspetsado nga gikahinabi sa Banat News miingon nga ikaduhang higayon nga gidunggab siya sa suspetsado.
Matud niya nga iyang nalikayan ang unang pagpanunggab apan nakadagan siya sa ikaduhang pagpanunggab sa miaging gabii.
Apan gigukod gayod siya sa suspetsado hangtod sa iyang pagsulod sa ilang panimalay nga maoy nakaaghat kaniya sa pagkuhag kutsilyo ug gihansakan ang tiyan nga maoy nakaingon sa pagkayabyab niini.