Gabriela misaway sa reporter mi-'libel' ni Cheryl Ouano

Ang nasudnong pundok sa mga kababayen-an nga Gabriela dinhi sa Sugbo mipadayag sa ilang hugot nga suporta kang Cheryl Ouano batok sa pagpanamastamas sa komentaryo ni Joash Dignos sa DyHP.

Ang suporta sa Gabriela ilang gipakita pinaagi sa nadawat niining sulat niadtong miaging adlaw nga gidunganan usab sa gihimong rally sa pundok sa mga kababayen-an.

Nunot niini ilang gipadayag nga ang gihimo nga pagpasangil ni Dignos sa kahanginan nga walay lig-ong basehanan ug tataw nga gitumong alang sa pagguba sa imahen sa ilang pamilya ngadto sa katilingban.

Ang sulat sa Gabriela nga gipirmahan ni Vida Arcamo, secretary-general sa maong pundok, mipadayag sa dili makiangayon nga gihimo sa maong komentarista.

"We believe that what the radio commentator Mr. Joash Dignos is doing is a concrete example of violence against women," nagkanayon ang sulat sa Gabriel.

"If indeed he believes that he has all the facts, we believe that the proper venue is the court, or the Ombudsman, not in the air when you are defenseless from all his verbal attacks."