Kini nahitabo niadtong Domingo human makadawat og hulga si Greg Rubio, hingkod, minyo nagpuyo sa Pajo Bantayan, reporter sa sibyaanan DYHP ug The Freeman/Banat News.
Ang gipasanginlang nanghulga mao si SPO2 Vicente Ynot nga naa madestino sa Bantayan Police Station.
Si Rubio, presidente sa Pajo North Executive Committee nipatawag og meeting sa iyang mga sakop niadtong Domingo diha sa ilang barangay.
Matud pa nga human sa gipahigayong panagtigom nakadungog sa pagpanghulga ni SPO2 Ynot nga matud pa sa polis "Gamay nalang na siya og kuwang nako. Ako na siyang lunggoan sa ulo"
Si Rubio miingon nga human siya nagpa- blotter sa kapulisan niadtong Domingo usa sa mga polis miingon kaniya nga dili nila ipadala ang spot report ngadto sa Operation sa Cebu Provincial Police Office ug depende lang sa hepe.
Sa follow-up nga gihimo sa Banat News pagtawag sa telepono sa Bantayan Police nasayran pinaagi ni PO1 Briccio Ortiz nga wala gayud nila mapadala ang blotter sa Operation sa CPPO sa wala masayring rason.