Political detainess sa CPDRC tua na sa CENTCOM

Kagamhanan sa probinsiya mitugot sa yangongo sa duha ka political detainees sa Cebu Provincial Detention and Rehabilitation Center (CPDRC) nga magpabalhin diha sa Central Command (CentCom).

Si Eduardo Sacamay ug Jigger Verola kinsa gikataho nga mga sakop sa walhong grupo mihangyo sa kagamhanan sa probinsiya nga magpabalhin sa detention cell sa CentCom.

Niadtong Huwebes sa buntag ang duha nabalhin na gikan sa CPDRC ngadto sa CentCom. Kagahapon gibutyag ni Gobernador Gwendolyn Garcia nga ang duha wala malipay sa ilang pagkadetiner diha sa CPDRC hinungdan nga gitumanan kini sa ilang hangyo.

Ang probinsiya mihatag og ayuda sa CentCom sa pagpaayo sa military stockade nga tanggongan ni Verola ug Sacamay.

Si Sacamay ug Verola mihangyo usab nga magpahatod sila og pagkaon gikan sa CPDRC tungod kay maayo ang pagkaon sa mga piniriso sa maong prisohan.

Gitataw usab ni Garcia nga ang kagamhanan sa probinsiya moayuda usab sa CentCom para sa pagkaon sa maong mga piniriso apan dili kini i-cater.

Si Verola ug Sacamay adunay tag P30.00 nga meal allowance matag adlaw diin ibulto kini paghatag sa probinsiya matag buwan ngadto sa CentCom.