Ang nasikop mao si Elizar Medillo, 22, ulitawo nga lumolupyo sa maong dapit ug usa sa mga tigpayuhot sa ilegal nga drugas sa maong dapit.
Matud pa ni PO2 Joseph Andrin sa station 1 sa Mandaue City Police nasayran nga samtang nagpahigayon sila og roving patrol sa maong dapit, ilang nasigpatan si Medillo ug usa ka kauban niini nga kadudahan ang mga lihok.
Sa dihang dunay gilabay nga plastik sa daplin sa dalan si Medillo nasuta nga adunay sulod nga upat ka gagmay'ng pakete sa gituohang shabu.
Sa dihang misuway pagsibat ang duha ka suspetsado, nasikop si Medillo ug nakuhaan og kalibre .38 nga adunay upat ka buhing bala sa iyang posesyon.
Matud pa ni PO2 Andrin nga kasong kalapasan sa Akta Republika 9284 ug kasong kalapasan sa Sec. 5 ug 11 sa Akta Republika 9165, samtang padayon pa karong nabilanggo sa detention cell si Medillo.