Bag-ong natawo gibilin sa tugkaran

Puya nga bag-o pang gihimugso sa sabakan sa usa ka wala mailhing inahan gibilin lang sa usa ka magtiayon sa sitio Bagacay, Tayud, Consolacion.

Ang bana sa gibinlan sa bata nga si Danilo Pepito, mipahibalo sa rehiyonal nga buhatan sa Department of Social Welfare and Development.

Si SPO4 Romulo Sasing sa Consolacion Police Station nga gikahinabi sa Banat News miingon si Felicidad Auxero sa DSWD 7 ug Flor Bagasbas nga maoy municipal social welfare sa lungsod mipahibalo usab sa ilang buhatan.

Matud pa ni SPO4 Sasing nga ang wala mailhing inahan sa maong puya ang mibilin lang sa tugkaran sa panimalay sa maong magtiayon.

Ang maong puya napalgan nga giputos og lampin ug anaa karon ubos sa pag-amoma sa DSWD 7 ug nagpadayon usab ang ilang pag-ila sa ginikanan nga nagbilin niini sa maong lugar.