16-anyos gilugos sa uyab

Usa ka minor de edad gitabangan og lugos sa iyang uyab nga utrong minor de edad ug sa igsuon niini sa miaging gabii didto sa Sitio Biga, Flores, Catmon.

Nakasinggit ug nakahilak ang biktima sa dihang gilugos sa iyang uyab ug sa dihang mopatong na unta ang maguwang sa iyang uyab hinungdan nga nadunggab sa mga silingan.

Ang magsuong si Arnel Gutual Oyoa, 26, ulitawo, ug Senyong (dili tinuod nga ngalan), minor de edad, nasikop sa kapolisan didto sa ilang panimalay human moreklamo ang biktima nga 16-anyos.

Sumala pa ni SPO1 Vicente Inahid Bacayo sa Catmon Police Station nga nagsag-ob og tubig ang biktima sa dihang giatangan sa magsuon.

Pag-abot sa panimalay sa biktima, didto kini gilugos sa iyang uyab nga si Senyong. Wala diha ang mga kabanay sa dalagita sa dihang nahitabo ang insidente.

Gipaubos sa eksaminasyon ang biktima sa Vicente Sotto Memorial Medical Center ug nasuta nga nakuha gyud ang pagka-babaye niini. Ang biktima anaa karon ubos sa kustodiya sa Department of Social Welfare and Development.