Niadtong miaging adlaw gipatawag ni mayor Tomas Osmeña sila si Bise Mayor Michael Rama, Acting City Attorney Rodulfo Golez ug Assistant City Attorney Joseph Bernaldez aron i-finalize ang Memorandum of agreement (MOA) alang sa maong katuyoan.
Ang MOA alang sa pagturn over niini pagapirmahan tali sa kagamhanan sa dakbayan, PTA ug sa Department of Environment and Natural Resources (DENR).
Matud ni Rama nga daku og epekto sa dakbayan kon mahinayun ang pagturn-over sa maong mga naila nang mga historical sites dinhi sa Sugbo gumikan kay mahimo unya kining gahinan og pundo aron mapanindot og makadani unya sa dugang pang mga lokal ug langyaw'ng turista nga mobakasyon dinhi sa Sugbo.
Matud ni Rama dihang nahinabi sa Banat News nga giplanohan hinuon nila nga itugyan ngadto sa usa ka organisasyon o ba kaha sa usa ka foundation ang pagdumala unya niini kun pormal nang matugyan sa dakbayan.