Si NYC commissioner Richie Nalupta nagtoo nga ang Charter Change forum nga ipahigayon sa Sugbo makapausab sa negatibong panglantaw sa kabatan-onan kabahin sa lakang pag-usab sa Batakang Balaod.
Si Nalupta naglaum usab nga luyo sa mga panghitabo karon, ang mga batan-on dili mopalukapa sa nasud kon dili motabang pagpalambo niini.
Ang Advocacy Forum on Charter Change gikatakdang ipahigayun karong Mayo 23 sa Ecotech Center, Lahug sa syudad sa Sugbo.
Syento porsyento nga andam na ang NYC alang sa maong kalihukan sumala pa ni Nalupta sa iyang pagbisita sa Sugbo sa niaging semana.
"Naglaum ko nga sa pagmartsa sa mga batan-on sa kadalanan, dili na sila mosinggit og ibagsak kon dili ibangon," nagkanayon si Nalupta.
Dugang pa niya nga daghang giandam ang iyang buhatan alang sa pagpalambo sa mga batan-on ning tuiga.