... sikyu, sibilyan nga mi-report dunay reward

Gipaabot nga makadawat og dako dako nga ganti gikan sa kagamhanan sa dakbayan sa Sugbo ang security guard sa Sm City ug ingon man ang usa ka sibilyan nga maoy nakadiskubre sa usa ka bomba ug daling nisumbong ngadto sa kapulisan.

Bugtong giklaro ni Osmeña nga dako nga kantidad ang ganti nga iyang ihatag aron maselos ang ubang mga Sugboanon ug madasig kini sa pagsumbong dayon sa kapulisan kun duna kini masigpatan nga mga tawong kadudahan ug mga linihukan nga moabot ug mo-estar dinhi sa dakbayan.

Kumbinsido si Osmeña nga tinuyo gyud ang maong panghitabu ug dili isolated case gumikan kay dili ordinaryong tawo ang makahimo og bomba nga dunay nakabutang nga timer.

Nanghinaut si Osmeña nga hinay-hinay nang nakasabot ang publiko sa iyang katuyoan kun nganong giduso gyud niya ngadto kang Presidente Gloria Arroyo ang upat ka adlaw nga special non-working holiday atol sa pagpahigayun sa 12th Asean Summit dinhi sa Sugbo sa Disyembre aron mobakasyon ang mga molupyo aron masayon ra unya ang pagpatuman sa higpit nga seguridad ngadto sa 17 ka mga heads of state nga motambung sa maong international nga kalihukan.

Gipahibalo sab ni Osmeña nga gitakdang molusad sila sa programang "Bantay Silingan" nga gitumong aron pag-alerto ug magpakabana ang mga molupyo sa kabarangayan sa mga bag-ong personalidad nga kadudahan ang mga linihukan diha sa ilang lugar.