Matud ni PO3 Cecile Jugasan sa kapolisan sa Bogo nga si Agripino Tuñacao, hingkod ang panuigon ug nagpuyo sa maong dapit nagpabilin karong gawasnon.
Dugang pa niya nga si Agripino maoy suspetsado sa pagpatigbas sa anak niini nga si Rico Tuñacao, 24, ulitawo kinsa nagpabilin pa karon sa Vicente Sotto Memorial Medical Center.
Sumala pa niya nagkalalis ang amahan ug anak human sa ilang pagdawat sa suweldo nga ang hinungdan mao usab ang suliran sa ilang pamilya.
Daw miulbo sa kasuko ang amahan sa pagsukol sa anak ngadto kaniya nga maoy nakaaghat niini sa pagkuha og sundang ug gitigbas ang tiil.
Ang kapolisan sa lungsod sa Bogo padayon karong nagpangita sa suspetsado.