Kini nunot sa temporaryong pagpahunong sa pagpangguba sa kabalayan nga giangkong ilegal nga gitukod sa luna nga gihukman sa korte nga i-demolish.
Sa nasayran sa Banat News nga si Thelma Perez nga maoy giilang tinuod nga tag-iya sa maong luna nagtinguha na gayod sa paghawan sa maong luna.
Ang paghawan maoy nalakip sa kasabutan sa iyang pagbaligya ngadto sa mga sakop sa pundok sa urban poor nga sakop usab sa Anakma.
Sa nasayran kang SPO1 Edgar Pasaylo sa kapolisan sa Presinto 3, nagdumili sa pagpahawa ang mga naapektuhang lumulopyo sa maong dapit sanglit dugay na usab silang nagpuyo sa maong luna.
Matud pa nila nga kun ibaligya sa tag-iya ang maong luna andam usab silang mopalit niini apan nagduda gayod sila sa pagpangangkon ni Perez nga maoy tag-iya sa maong luna.