Si Michael Toreno taga Sitio Mayana Apili Balamban nakaangkon og grabeng kadaot sa iyang lawas daling gidala sa Balamban District Hospital apan gideklarar sa doktor nga patay na nga naabot sa tambalanan.
Si Zosimo Caminos 66-anyos residente usab sa nahisgutang barangay kinsa drayber sa nahisgutang sakyanan nga nagtangag sa plakang GVS-303 boluntaryong mitahan sa iyang kaugalingon sa kapolisan sa Balamban.
Ang kapolisan sa Balamban maoy mitugyan ni Caminos sa kapolisan sa Toledo.
Gibutyag ni SPO3 Celso Dagala hepe sa traffic section sa Toledo nga si Toreno nagbarog sa diha atubangan sa merkado sa maong lugar tungod kay naghuwat kini sa iyang apohan nga lalaki kinsa nangompra.
Si Caminos nagparada sa iyang sakyanan tungod kay naghuwat kini og pasahero.
Matud ni Dagala nga wala makit-I ni Caminos si Toreno pagpaatras niini sa iyang sakyanan tungod kay puno kini sa pasahero ug karga.
Si Caminos nagtingkagol karon sa Toledo dentention cell.