Popcom maningkamot bisan wa nay USAID

Tungod sa magkawagtang na nga suporta sa United States Agency International (USAID) sa mga contraceptive ang Population Commission (POPCOM) naningkamot og mga paagi nga magpadayon ang suplay sa mga contraceptive ngadto sa mga kabus nga magtiayon para mapadayon ang mga programa sa pagplano sa pamilya.

Ang USAID sobra na sa 30 ka tuig nga nagsuporta sa population program sa nasud ug sa tuig 2007 ang maong ahensiya adunay plano sa paghinayhinay og wagtang sa suporta sa mga contraceptive.

Ang USAID miluwat og Executive Order (EO) 158 ug ang miyembro sa POPCOM-7 nga sila si Bruce Ragas officer in -charge, administration officer, Ella Cañete ug Darlynn Remolino mga planning officer, Christine Ayron information officer ug Parolita Mission Nutrition Program coordinator national nutrition council-7 ang mipasabot kabahin sa maong EO.

Ubos sa Executive Order No. 158 dili hingpit nga mawagtang ang contraceptive sa nasud.

Ang labing kabus nga gustong magplano sa pamilya makabenipisyo gihapon ug ang Local Government Unit (LGU) maoy tahasan nga makakuha og pundo pagsuporta sa mga kabus nga nagkinahanglan nga dili makaabot og palit og mga contraceptive.

Ang POPCOM adunay gihimong mga programa sa pagkombinser sa mga Local Government Unit (LGU) nga mosuporta sa family planning program.