Kini human nagtinguha nga mo-lobby ang mga lokal nga opisyal sa Davao aron adto sa maong lugar mapahigayon ang maong kalihukan.
Apan alang kang Osmeña wala siya mabalaka niini ug gani mao kini hinungdan nga bisan og layolayo pa ang maong kalihukan subsob na ang ilang mga pagpangandam nga giplanohan nilang himuon.
Hinuon daku ang kompiyansa sa mayor nga anhi gyud sa Sugbo mapahigayon ang maong kalihukan ilabi na kay pormal nang gipahibalo ni Presidente Gloria Arroyo nga ang Sugbo gyud maoy host sa maong kalihokan.
Giuyonan na sa presidente ang hangyo ni Osmeña nga i-deklarar isip special non working holiday ang upat ka adlaw nga pagpahigayon sa maong kalihukan unya sa bulan sa Disyembre.
Giangkon sa mayor nga dili sayon ang hagit nga ila karong giatubang sa pag-host sa maong kalihukan diin dili mominos 17 ka mga pamuno nasud gikan sa lainlaing kanasuran ang hatagan og tukmang seguridad.
Hinuon duna nay napilian nga mga pribado ug inilang hotel dinhi sa Sugbo ang napilian nga maoy estahan sa mga bisita uban sa ilang kuyog nga mga opisyal sa lainlaing nasud ug kini mao ang Marriot Hotel, Cebu Plaza, Shangrila, Hilton Hotel ug ingon man giplanohan usab ang Plantation Bay nga nahimutang diha sa siyudad sa Lapu-Lapu.