Ang biktima uban sa iyang ginikanan midangop sa buhatan sa Family Juvenile and Gender Sensitivity Section sa San Fernando police ug mitumbok sa ilang silingang si Emil Lagaras, hingkod na ang panuigon kabahin sa gihimong pagpangabuso niini.
Sumala pa sa imbestigasyon ni SPO3 Perlita Lumbab ang biktima human makapanihapon wala mamatikdi sa iyang ginikanan nga migawas sa balay ug miadto sa tindahan sa ilang silingan pila ka metros gikan sa ilang balay aron pagpalit og juice.
Apan pag-uli niini ang suspek gikatahong kalit nga mibabag sa iyang agianan ug kalit siyang gibitad niini padulong sa iyang balay ug didto gisugdan ang pagpanglugos nga nakaingon sa kadaut sa panglawas sa bata.
Dihang gisubay sa kapolisan ang suspek wala na kini diha sa ilang balay ug gituohang miikyas na , samtang ang biktima daling gidala sa Vicente Sotto Memorial Medical Center alang sa pagpahiling.