Ang sunog nga nadawat sa kabomberohan sa maong dakbayan alas 12:45 ang takna sa kaudtohon nga gideklarar ni Mandaue City Fire Marshall Oscar Mayol nga second alarm.
Hingpit nilang nakontrolar ang pagkaylap sa kalayo sa paglabay sa 6 minutos nilang pagtinabangay og pawong sa mga kabomberohan nga naggikan sa dakbayan sa Sugbo, Lapu-Lapu, Consolacion ug uban pa.
Si SFO1 Roy Garcia, imbestigador sa kabomberohan sa dakbayan nga gikahinabi sa Banat News, miingon nga ang kalayo nagsugod sa panimalay nga gipanag-iya ni Ben Yuson ug gipuy-an sa nag-abang niini nga si Myrna Cantillas.
Matud pa ni Garcia nga misilaob ang kalayo ug mitapon kini ngadto sa mga silinganang balay nga gipanag-iya nila ni Paz Doncillo, Cecile Canque, Diosdado Dumanig nga nanag-iya og duha ka unit ug Francisco Cejas.
Samtang ang laing tulo nga gisugdan na sa pagkaon sa kalayo ang gipanag-iya nila ni Vidal Abella, Joy de Vero ug Adila Flores nga sama usab sa mga na-ugdaw nga mga balay pulos ginama sa light materials.
Si SFO1 Garcia, miingon nga miasoy si Cantillas kaniya nga nakadungog kini og boto nga nakapatumaw pagtuo nga miboto ang electric bulb ug ang electric fan niini.