Rekisitos na ang tangke sa tubig

Ang pagbutang og mga tangke sa tubig sa matag building nga tukoron ang gitinguha nga malakip kini sa mga rekisito sa isumitir nga plano sa pagkuha og building permit niini.

Mao kini ang resolusyon nga giduso ni Konsehal Jonas Cortes sa konseho sa maong dakbayan nga gikatakdang iduso regular session nilang pagahimoon niining semanaha.

Matud pa ni Cortes nga malakip sa pagahimoan og pagtuon sa City Parks and Urban Greening Development Program Management Council ug sa Housing and Urban Development.

Dugang usab niya nga labing gikinanglan nga hatagan usab og dakong pagtagad ang mga squatters nga nagpuyo sa daplin sa sapa ug mga kanal sa dakbayan sa paghatag kanila og kasiguroan.

Si Konsehal Cortes miingon nga ilang ikaduso ang mao niyang resolusyon nga iyang gipangamahanan ug kauban usab niya si Konsehal Raul Pokang Cabahug isip iyang co-author.