Fratman nalubaan sa Akrho

Nangangkong sakop sa Tau Gamma Phi Fraternity nadunggaban sa unom ka mga gialegar niyang mga sakop sa Alpha Kappa Rho atol sa disko diha sa Sitio Univille barangay Banilad ning dakbayan kagahapon sa kaadlawon.

Bun-og sa kalawasan ug may samad dinunggaban sa likod ang biktimang si Francis Ybañez, 17 anyos, molupyo sa Sitio Baka, Barangay Banilad Apas ning dakbayan.

Gitumbok sa biktima nga midunggab kaniya mao ang usa ka giingong sakop sa Alpha Kappa Rho nga nailhan lang niya sa pangalan nga Basilio ug lima ka mga ka-brod niini sa Akhro.

Sigun pa ni SPO2 Alex Dacua, imbestigador sa Homicide Section sa pakighinabi sa Banat News kasamtangang nakigsayaw ang biktima sa usa ka sakop sa Crips Gang nga si Marka Morata uban sa mga miyembro usab sa Crips dihang kalit siyang giduol sa grupo ni Basilio dayong panukmag kaniya.