Nagutad-gutad ang nagkadaiyang parte sa lawas sa biktimang si Leonardo Espita, hingkod ang panuigon ug molupyo sa barangay Uno sa samang lungsod human kini tigbasa ni Pablo Guarin molupyo sa barangay Daanglungsod.
Sumala pa sa pakighinabi kang SPO1 Adel delos Santos sa Tuburan Police nga midangop sa ilang buhatan ang kapuyo sa suspek nga si Joan Baguio ug misumbong nga gitigbas ni Guarin si Espita gumikan kay nainsulto kini dihang gihaylo og P100 aron lang siya (Baguio) makahilawas.
Gumikan sa kahubog mikuha og sundang ang suspek ug gitagud-tagud si Espita dayong ikyas sa maong dapit samtang gidali og dala ang biktima sa tambalanan sa Tuburan.
Apan sa pagresponde sa mga polis lahi ang bersyon sa mga molupyo diha sa maong lugar, sumala pa nga naabtan sa suspek si Espita ug Baguio nga naghilawas maong wala kaagwanta ang suspek ug gitigbas ang lalaki samtang misutoy usab ang babaye pangadto sa polis.