Philhealth sa Talisay kulang pag 'sakop

Mga 12 mil ka miyembro sa Philippine Health Insurance Corporation (Phil Health) ang gikinahanglan sa dakbayan sa Talisay.

Matud pa ni Berlyn Cabanilla, Department of Social Welfare (DSWD) staff nga sa tuig 2004 dunay sobra sa 7 mil ka Talisaynon ang namiyembro sa Phil Health apan gipatas-an ang ilang kota ngadto sa 12 mil.

Diin ang 7 mil niini si Gobernador Gwendolyn Garcia maoy sponsor.

Si Cabanilla nagkanayon nga gusto ni Mayor Socrates Fernandez nga mahatagan og Phil Health ang tanang mga kabus nga Talisaynon.

Si Cabanilla midungag nga kuwangan na lang sila og 500 ka miyembro karon.

Ang mga gustong magpamiyembro moadto lang sa buhatan sa DSWD sa dakbayan diin aduna silay porma nga pirmahan para i-survey sila sa maong departamento una aprobahan ang ilang pag-aplay.