Umagad mipusil sa ugangan, bayaw

Umagad miunay sa pagpusil sa iyang ugangan ug bayaw gamit ang .45 kalibre nga pusil tungod kay mibadlong kini sa ilang panag-away ug sa iyang asawa niadtong Biyernes sa buntag diha sa Sityo Lower Quarry Barangay Das dakbayan sa Toledo.

Ang mga biktima mao si Emma Gallarde 53, nakaangkon og samad pinusilan sa iyang bat-ang ug ang anak niining si Ariel 26 nakaang og samad pinusilan sa iyang bukton dali nga gidala sa tambalanan niining dakbayan.

Giila ang suspetsado mao si Benjie Catigan alyas Bongbong, hingkod ang panuigon kinsa gipangita karon sa kapolisan.

Base sa imbestigasyon sa 703rd Provincial Mobile Group ang suspetsado ug ang asawa niini dunay gikalisan maong gibadlong kini sa inahan sa iyang asawa.

Apan ang pagbadlong gikasuko sa suspek ug daling milanit og pusil dayong pusil ngadto sa iyang ugangan tulo ka higayon.