Coastal clean up sa 16 barangays

Sugdan karong buntag ang clean up drive kun pagpanglimpyo ngadto sa 16 ka mga coastal barangays dinhi sa dakbayan nga pasiugdahan sa Coastal Management Board sa Cebu City Hall.

Gipasabot ni bise mayor Michael Rama tsirman sa CMB nga gitumong kini nila gumikan kay ang maong mga barangay mao man kiniy gipuy-an sa gibana banang 60 porsiyento sa mga kabus nga pamilya dinhi sa dakbayan.

Ang maong clean up drive magsugod karung alas 6:00 sa buntag diha sa Mabolo, paingon na sa Carreta, San Roque, Mambaling, Duljo Fatima, Pasil, Ermita, Bulacao, Inayawan g uban pa.

Kining maong kalihukan gi-abagan kini sa kagamhanan sa probinsya sa Sugbo nga mipasalig sab nga mopagamit sa mga dump trucks aron maoy kargahan sa mahipos nga basura.

Gipasabot ni Rama nga numeru-unong tumong niini aron kalimpyohan ang hugaw nga mga palibot sa daplin sa dagat ug kasapaan sa maong mga barangay nga gihimo na karung labayanan og basura sa mga molopyo sa maong dapit.

Duna say mga Non Governmental Organization (NGO's) ang mipasalig nga motabang sa maong kalihukan apil na ang mga tinun-an sa lain laing tunghaan ug ang Cebu Contractors Association.