Maoy hinungdan nga ang mga panday ning tuong sapatos nga namontar sulod na sa upat ka tuig naglaraw nga buhatan og laing pares kining maong sapatos.
Ang maong sapatos karon nga may gitas-on 8 metros, ug tuohon, nahilakip na sa mga pasundayag sa mga lokal nga kalihokan sa Carcar ug bisan sa Cebu Sinulog grand parade.
Gigastohan kinig P300,000 kapin sa 21 ka mga negosyanteg sapatos sa Carcar kinsa nag-inamotay aron pagsibantog sa ilang mga produkto.
Sa sayo pa ang maong sapatos nga gipanday sa 90 ka tawo ug nahuman sa hapit usa ka buwan niadtong 2001, iparekord unta nila sa GBWR, apan napakyas kay wa may pares.
Sa pagkakaron ang kinadak-ang sapatos sa tibuok kalibotan may gitas-on rang 3.4 metros naa sa GBWR.
Tungod niini gipadasig ni Mayor Patrick Barcenas ang mga negosyanteg sapatos sa Carcar nga pagam-an og "wala" nga pares ang maong sapatos aron nga mahitala na kini sa GBWR ug sa samang higayon magamit na kini isip dugang pasundayag sa sunod nga piyesta sa Carcar.
Mipasalig si Barcenas nga motampo na sa galastuhan ang lungsod sanglit kining tanan alang ra gihapon sa kabulahanan sa tanang Carcarnon.