Barangay kapitan gikihas' 5 konsehal

Lima ka konsehal sa barangay Tabunok ang mipasaka og reklamo ngadto sa buhatan sa Ombudsman-Visayas niadtong Martes batok ni Adonis Bacalso kapitan sa maong barangay.

Ang mga mireklamo mao sila si Edison Racaza, Manuel Cabriana, Samuel Bacaltos, Wilmo Cabañero, Victor Zafra ug Alberto Lastimosa.

Matud sa maong mga konsehal nga si Bacalso nakalapas sa Section 3(e) ug (h) Akta Republika 3019, Section 7(a), Akta Republika 6713 ug Grave Misconduct.

Ang nahisgutang mga konsehal mipasangil nga si Bacalso mipagawas og P100,000.00 nga tseke nga wala moagi og resolusyon sa konseho sa barangay.

Nalatid sa Commission on Audit nga ang tanang pagpagawas og pundo sa barangay kinahanglan nga ipaagi sa resolusyon.

Kinahanglan sad nga lagdaan kini sa tsirman sa komitiba sa finance ug appropriation sa voucher una ang tseke ipagawas - sa barangay treasurer pinirmahan usab sa barangay kapitan.