Manulis sa mag-date nadakpan

Mga suspetsado sa pagpanulis sa mag-date nga managhigugmaay sa reclamation area sa dakbayan sa Mandaue sa panahon sa gabii nadakpan na gayod sa kapolisan dihang ang lain na usab unta nilang biktima nga lalaki misukol pinaag sa paggamit sa pagpakig-away ang kahanas sa karate.

Si George Tante, 26 anyos, ulitawo nga taga Mantuyong sa maong siyudad nadakpan ni Sony Lipon, 36 anyos ug Vironica Simeon, 31 anyos nga taga Cubacub sa nahisgotang siyudad.

Matud pa sa kapolisan nga gikahinabi sa Banat News nga nabawi ni Simeon nga kuyog ni Sony Lipon nga babaye ang shoulder bag, cellphone ug ang uban pa nga mga importanteng butang niini.

Gitahan sa biktima si Tante sa Police Station 1 sa Centro sa maong dakbayan.

Kini miresulta usab sa pagkasikop sa lain pang duha ka tawo nga suspetsado nga sila si Benjie Llenado, 18 anyos ug Gregorio Arnejo, 22 anyos, ulitawo ug usa ka Rene Batucan nga nagpabilin pa kining gawasnon sanglit wala kini masikop.