Matud pa ni Kintanar nga bisan sa Manila, makalakawlakaw pa ang tawo bisan unsang orasa sa kagabhion kay walay grupo sa mga teroristang angayang kahadlokan.
Kini usab nagpasabot nga kontrolado pa sa mga otoridad ang pagmintinar sa kalinaw ug kahusay sa tibuok nasud, busa dili pa angayang ipatuman ang unsa mang emergency rule, matud pa ni Kintanar.
Hinoon sa presyo sa mga produkto sa petrolyo, kini maoy dili malalis nga kamatuoran nga hapit matag semana mosaka ang presyo sa maong palitonon, matud pa ni Kintanar.
Kining maong panglantaw gibutyag ni Kintanar, nunot sa mga kabalaka sa kadaghanan nga ang kagamhanan sa nasud mosagop sa martial law.
Apan alang sa magbabalaod nga Sugbuanon, kon dunay planong ipatuman kini silang mga magbabalaod ang unang masayod tungod kay dili kini usa ka gamay nga butang.
Nagkinahanglan kini og "major decision" busa diskutihon pa kini pag-ayo sa kongreso, matud pa ni Kintanar.