Kini ang gipadayag ni SFO2 Atelano Beredo, imbestigador sa kabomberohan sa maong dakbayan nga gikahinabi sa Banat News isip reaksiyon sa nahitabong aksidente sa pag-ulbo sa panimalay nga gihimong pabrika sa pabuto.
Nunot usab kini sa pag-ulbo sa panimalay sa magtiayong Jay ug Mary Jane Bontilao sa sitio Radar sa barangay Babag 2 sa maong siyudad nga mikalas sa duha ka kinabuhi ug grabeng pagkaangol sa maong pamilya ug lain pang nagpuyo niini.
Matud pa niya nga naghimo na og mga pahimangno ang ilang buhatan sa mga naggama og pabuto sa barangay Babag nga matigayon ang inspection ug mga seminar nga ilang himoon sa maong lugar.
Giklaro niya nga subay sa lagda ang pabrika sa pabuto kinahanglan nga layo sa mga panimalay ingon man ang punduhan niini.