Kakulang sa doktor

Bohol - Giawhag karon sa mga opisyal ning probinsya ang kadagkuan sa Department of Health sa kaulohan nga matagad kining problema sa kakulang sa mga mananambal sa publiko nga tambalanan.

Si Bise Gobernador Julius Caesar Herrera nagtuo nga angayan na gayud nga adunay dinalian nga lakang nga himoon ang DOH kabahin niini.

Matud pa ni Herrera nga gikinahanglan gayud mahatagan sa dinalian nga aksyon kining maong problema.

Midugang si Herrera nga ang kakulang sa mga mananambal mao usab ang makahatag sa dakong problema sa paghatag sa serbisyo ngadto sa katawhan.

Usa sa gihimong sanglitanan ni Herrera ang sitwasyon karon sa Governor Celestino Gallares Memorial Medical Center.

Nahibaw-an nga sa pagka karon kining maong tambalanan adunay pagkulang sa mga mananambal.

Gipasabot ni Herrera nga angayan gayud nga matabang kining maong problema sa tambalanan.

Ang pasyente nga gikan sa kalungsoran ang gikataho nga dad-on gayud ning maong tambalanan.