Babaye naglutaw sa dagat

Usa ka patay'ng lawas sa babaye napalgan nga naglutaw-lutaw sa dagat kagahapon duol sa beach resort sa siyudad sa Toledo.

Ang maong lawas nga napalgan sa mga mananagat giila nga si Isabelita Rivera, 44 anyos ug molupyo sa maong siyudad.

Base sa imbestigasyon sa kapolisan sa siyudad sa Toledo, nahibaw-an nga si Rivera nanginhas ug naatlan nga gisul-an sa iyang sakit nga patol hinungdan nga natumba.

Milabay ang pipila ka oras midako na ang dagat paingong taub maong nalumos ang biktima.

Si SPO3 Virgillo Manatad nga nakahinabi sa Banat News miingon nga walay mga samad o posibleng sinyales nga adunay foul play ang kamatayon ni Rivera apan ipahigayon gihapon ang autopsy sa lawas niini.