Sumala pa sa imbestigasyon sa Homicide Section, gipara sa mga suspek diha sa may eskina Gorordo ug Rosales ang Spider Taxi nga may body number 23 nga gimaneho sa biktima.
Ang duha mimandong magpahatod sa Sitio Kalubihan, Barangay Talamban apan buot nilang diha iagi sa Kalunasan maong mituman sad si Bernaldez.
Apan pag-abot didto gipahunong sa mga suspek ang taksi ug walay daghang pangutana ang babayeng may gitas-ong 5'4 ug tambukon ug tupad sa biktima kalit lang mibunot og kutsilyo dayong dunggab kaniya makadaghang higayon.
Hinuon misukol si Bernaldez sa suspek apan gitabangan siya sa duha maong migawas siya sa iyang taksi ug miadto sa baggage compartment aron unta kuhaon ang "tire wrench" aron gamitong hinagiban batok sa duha.
Apan sa pag-adto pa lang sa biktima sa luyo mao say pagkaratel og panagan sa mga suspek palayo sa lugar. Si Bernaldez miadto sa Vicente Sotto Memorial Medical Center alang sa pagpatambal sa iyang mga samad samtang giingong walay nakuha ang mga suspek.(Uban sa taho ni Mitchie Mae Gala, CNU BA Communication Intern)