1-tuigna lumos sa balde

Sangko sa langit ang pagmahay ug kaguol nga gibati sa usa ka inahan dihang namatay ang iyang anak human nalumos sa balde nga adunay tubig kagahapon sa buntag sa Barangay Sangi siyudad sa Toledo.

Gidali pagluwas ni Marivic Macapaz ang iyang usa ka tuig og walo ka buwang anak nga lalaki nga si Ednel Gera Jr. dihang nakit-an niya nga nagtuwad na sa balde sa ilang banyo.

Si Marivic miasoy nga samtang nag-atiman siya sa mga buluhaton sa panimalay, si Ednel nagkalingaw og duwa og tubig sa banyo nga nag-inusara. Sa paglabay pa sa pipila ka gutlo, iya na lang napalgang nalumos na ang maong bata.

Si Ednel Gera patay na nga nahidangat sa Toledo District Hospital.