Hinuon gimando ni Osmeña ang pagpahigayon og imbestigasyon niadtong mga regular nga kawani sa maong buhaton pagtino sa kabalido sa maong alegasyon batok nila.
Nasayran nga ang tagdumala sa Cineplex sa Gaisano Country Mall mireklamo sa mayor kabahin sa pagpakig-kunsabo sa mga checker sa Amusement Department sa City Hall nga nadestino sa maong sinehan paghimo og mga binuang.
Kini sama sa gireklamo sa management sa Gaisano Country Mall nga pagpasulod nga libre sa sinehan sa mga higala niini nga walay pagtugot sa management.
Nasayran nga kasagaran sa 19 ka mga kawani sa Amusement Department nga nalambigit sa maong kontrobersya mga disabled kini og matud sa mayor angay pa gani unta nga magtinarong sa trabaho gumikan kay lisud nga dawaton sa bisan unsang buhatan pribado man o publiko ang mga tawong dunay deperensya.