Ang maong balay kahilayan gipasirad-an kini ni Mayor Tomas Osmeña human gi-peke ang business permit niini ug ang ilang permit alang sa pagpamaligya og mga ilimnong makahubog ngadto sa mga kustomer niini gumikan kay wala kini pagtugot gikan sa Liquor and Licensing Division.
Apan atol sa press conference kagahapon gikonpirmar ni Osmeña ang iyang subling pagpabukas sa maong balay kahilayan human nakig-areglo ang tagdumala niini ug mibayad og P300 mil nga settlement feee.
Apan giklaro sa mayor nga ang pagtugot niya og balik nga makabukas sa maong operasyon ang maong balay kahilayan wala kini magpasabot nga dili na mapasirad-an sa higayon nga makahimo gihapon kini og kalapasan sa mga lagda sa siyudad.
Gimando karon sa mayor ang paghimo ug pakisusi kabahin sab sa giingon nga kapakyas sa maong establisamento pagbutang og fire exit nga magamit sa mga kustomer panahon sa emergency ilabi na sa sunog.
Gimando na sab sa mayor ang pagsusi sa tanang mga establisamento ug balay kahilayan nga migamit og peke nga mga business permit .