Kampanya vs rebelde padayon

Leyte - Dako gihapon ang pagtuo sa mga opisyal ning probinsya nga magpadayon ang kampanya sa militar batok sa problema sa insurgency bisan pa man kon mibalhin ang nakontrobersyal nga si Major General Jovito Palparan.

Mao kini ang ilang gipadayag sa kasubo nga mibalhin sa Palparan taliwala sa kontrobersiya nga giatubang niini.

Samtang nalipay usab hinoon ang mga sakop sa militanteng kahugpongan kabahin niini.

Si Palparan maoy commanding general sa 8th Infantry Division nga nagbase sa lungsod sa Catbalogan sa probinsya sa Samar.

Si Gobernador Rosette Lerias sa probinsya sa Southern Leyte usa sa mipadayag sa iyang kasubo pagbalhin ni Palparan.

Ang mga sakop sa militatanteng kahugpongan sa probinsya mitumbok ni Palparan nga maoy utok sa pagpanghasi sa mga kaubanan niini og uban gani gipatay.