Kini maoy reaksyon ni Dakay sa mga nanggawas nga pasangil nga apil ang lalawigan sa Sugbo nga nanikas niadtong piniliay sigun sa asoy pa sa oposisyon nga nangahulugang bisan ang simbahan posibleng gidudahan usab sanglit ang simbahan duna may kaugalingong grupong naniid niadtong piniliay nga mao ang Cebu- Citizen Involvement in Maturation for Peoples Empowerment and Liberation (C-CIMPEL).
Si Dakay nagkanayon nga nahimo na sa C-CIMPEL ang obligasyon niini sa katawhan sa pag-edukar sa mga botante.
Ang C-CIMPEL maoy watchdog sa simbahan nga naniid niadtong piniliay lakip na niini ang paghimo og kaugalingong eskutenyo sa mga botos gikan sa mga presinto.
Matud pa ni Dakay nga naedukar gyud sa C-CIMPEL ang mga botante apan ang mga kandidato lang gyud ang dili buot nga maedukar.
Ang piniliay sa milabay'ng tuig gimantsahan karon sa mga pasangil sa oposisyon batok kang Arroyo nga kini ug mga kaalyado niini mihimo og halapad nga pagpanikas ug usa sa mga dapit nga gitumbok ug gidudahang gimaniobra mao ang resulta sa eleksyon dinhi sa lalawigan.
Samtang si Provincial Election Officer Atty. Edwin Cadungog sa pakighinabi sa lokal nga sibyaanan kagahapon midepensa sa resulta sa piniliay niadtong milabayng tuig.
Ang kasosyo ni Senador Panfilo Lacson kaniadto nga si kanhi NBI handwriting expert Segundo Tabayoyong kinsa ang panimalay gironda sa mga sakop sa CIDG ug ISAFP didto sa kauluhan nakuhaan og 40 ka boxes nga gikatahong dunay sulod nga mga election returns (ER) ug ang uban niini giingong gikan dinhi sa Sugbo ug Autonomous Region in Muslim Mindanao ingon man Pampanga.
Ang maong dapit maoy gikwestiyon sa oposisyon nga dunay iregularidad ang resulta, dinhi lang sa Sugbo nakakuha si Arroyo og kapin usa ka milyong botos nga maoy nakapabentaha kaniya gikan sa higpit nga kaatbang nga si Fernando Poe Jr.
Si Dakay sa samang interbyu mitug-an nga mismong si Arsobispo Ricardo Cardinal Vidal dunay nadawat nga kopya sa mga election certificates gikan sa oposisyon apan wala niini masuta kun mga dinoktor ba usab kini