Si Konsehal Edgardo Labella mipalabang ug resolusyon nga nag-awhag sa mga prinsipal ug magtutudlo sa mga pribado ug publikong tunghaan nga mopahigayon og subsob nga pagpanglimpyo sa palibot sa tunghaan bisan ka usa sa matag semana.
Gawas nga makatabang kini aron pagsumpo sa sakit nga dengue matudlo-an usab ang mga batan-ong tinun-an sa pagpahigayon og pagpanglimpyo sa palibot sa tagsatagsa niini ka mga pinuy-anan nga kabahin gihapon sa kampanya batuk sa dengue.
Mipasar ning maong resolusyon ang konsehal human nasuta sa gipahigayung pakisusi sa City Epedemiology Surviellance Unit nga miabot na og 19 ang patay sa nasakit og dengue dinhi sa dakbayan gikan sa kapin na sa 500 ka mga kaso niini karon lang tuiga.
Nunot niini gi-awhag sab sa konsehal ang National Integrated Research Program on medicinal Plants sa pagpahigayun og eksperimento kabahin sa Medicinal plants nga mangagaw nga maoy naila na nga usa ka epektibong tambal sa sakit nga dengue.