2 naligiran sa dumptruck: Namatay gyud ang usa

Namatay gayod ang usa ka babaye ug grabe usab nga naangol ang laing lalaki human ang dumptruck nga nagyabo og basura kalit lang miligis kanila.

Nahitabo kini alas 11 pasado ang takna sa buntag niadtong miaging adlaw didto sa dumpsite sa barangay Umapad, siyudad sa Mandaue.

Ang namatay mao si Primitiva Luzano Jimenez, 49 anyos, ug ang grabeng naangol mao si Leopoldo Manggabon, 49 anyos, minyo nga nagpuyo usab sa maong dapit.

Si Eduardo Tormis Natividad, 32 anyos, ulitawo nga taga Paknaan sa maong dakbayan ug maoy drayber sa maong dumptruck nga nagdala sa plate number nga SEZ 609 dali untang mihatod sa mga biktima sa Mandaue City Hospital sa maong dakbayan.

Apan si Luzano gideklarar sa mga mananambal nga patay na kining nahidangat ngadto samtang si Tormis gihatagan usab sa pasiunang pag-atiman.

Sa nasayran sa kapolisan sa maong dakbayan nga wala ma-enggansa sa pagpahimutang sa drayber ang dumptruck nga maoy nakaaghat niini sa pagpaatras nga miresulta na hinuon sa pagligis sa mga biktima.