Si Villar, tsirman sa Nacionalista Party misang-at og resolusyon niadtong milabay'ng semana diha sa senado nga nagmando sa Committee on Youth, Women and Family Relations sa paghimog imbestigasyon kalabot niini aron makatabang sa pagplano unya sa paghimo og higpit nga mga bag-ong balaod nga magprotihir sa kabataan.
"We are not lacking in laws, the problem is really on the implementation. .That is why I am calling for the strict and consistent enforcement on anti-pornography laws in order to punish or impose sanctions to violators," sumala pa ni Villar.
Gitumbok ni Villar mao ang Artikulo 5, Section 9 sa Akta Republika 7610 diin nagdili sa paggamit sa mga bata sa bisan unsang malaw-ay nga binuhatan nga mapriso lang og "prision mayor" sa medium period kun pagkapriso og walo ka tuig ug usa ka adlaw hangtud sa napulo ka tuig.
Sigun pa ni Villar husto na ang pagtamay nga nadawat sa mga Pilipino gumikan kay nabantog na ang nasud nga usa sa mga "sex destination" sa mga turista ug sa mga lokalidad.
"It is sad that prostitution has become a thriving industry in our country, let us not make it worse by allowing Filipino children to get dragged into it through child pornography or in some other illegal ways.Pornographic exploitation of children is tantamount to child abuse," sumala pa sa senador.
Ang buhatan ni Villar nakadawat og daghang impormasyon kalabot sa paggamit og mga bata sa mga tawong pedophiles dinhi sa nasud dili lang sa mga siyudad lakip na sa mga kalungsuran diin kasagarang miabuso mga langyaw'ng turista nga talagsa rang madakpan ug masilutan.