^

Banat Balita

Hepe sa tanod gibugha pagtigbas sa iyang ulo

- Edwin Ian Melecio -
Hepe sa mga tanod nga ig-agaw sa mayor sa Tuburan gibugha og tigbas ang ulo ug naa karon sa talandugon nga kahimtang human kini tigbasa sa suod niining higala niadtong Biyernes sa hapon gumikan sa away sa mga bata.

Milandig sa usa ka pribadong tambalanan dinhi sa dakbayan ang biktimang si Wilbert Yap alyas Kim, ig-agaw ni Tuburan Mayor Rose Suezo, human nakaangkon og dakong samad sa ulo gumikan sa pagtigbas ni Zenaido Cagay, iyang suod nga higala ug silingan diha sa Barangay Dos.

Sigun pa ni PO3 Raul Jamiro sa Tuburan Police sinugdanan sa insidente mao ang pagduwa og "luthang" sa 10 anyos nga anak sa suspek nga nakaigo sa anak ni Yap.

Tungod niini gikasab-an ug gibunalan ni Cagay ang anak apan miinterbiner ang maguwang sa suspek nga gikasuko niini gumikan sa pagpanghilabot.



Mikuha og sundang si Cagay ug gigukod ang maguwang niini hangtud nga nakaagi sa gikahimutangan sa biktima kinsa mibadlong kaniya kay nagdala-dala og sundang.

"Nasuko man gud ang suspek nga giingnan siya sa biktima nganong madala-dala og sundang unya dili itigbas, busa ang biktima nuon maoy iyang gitigbas imbes ang igsuon," asoy pa ni Jamiro.

Nasuta usab sa kapolisan dihang mitahan si Cagay niadtong Sabado nga gisapot kini niadtong tungura gumikan kay wala kini sweldohi ni Mayor Suezo sa pagpamanday sa beach resort niini.

vuukle comment

BARANGAY DOS

BIYERNES

CAGAY

MAYOR SUEZO

RAUL JAMIRO

TUBURAN MAYOR ROSE SUEZO

TUBURAN POLICE

WILBERT YAP

ZENAIDO CAGAY

  • Latest
  • Trending
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with