^

Banat Balita

Gipangita kinsay nanggubot sa rally

Romeo D. Marantal - Banat

CEBU, Philippines — Imbestigahon sa Police Regional Office 7 (PRO7) ug Cebu City Police Office (CCPO) kun kinsa ang responsable sa kagubot nga miresulta sa tensiyon atol sa rally sa dakbayan sa Sugbo niadtong Nobyembre 16.

Gipadayag ni PLT. Col. Rolan Aliser, information officer sa PRO7, nga kabahin sa ilang imbestigasyon ang pag-ila sa mga tawo nga giingong nangulo sa kagubot nga nakabalda sa unta malinawon nga demonstrasyon.

Kun mailhan na ang mga responsible pasakaan sila og kaso. Atol sa maong rally, dunay nanguyog nga mga estudyante.

Gidepensahan  ni Aliser ang gihimong aksiyon sa mga pulis nga palongon ang kalayo sa effigy nga gisunog sa mga nagprotesta tungod kay peligroso kini sa publiko.

Apan dihang gisugdan na sa mga pulis ang pagpalong sa kalayo gibabagan sila sa mga protesters  ug duna pay pisikal nga nanakit sa mga polis, duha ka polis ang naangol.

Si OIC Chief PNP Police General Jose Melencio  Nartatez Jr. una nang namahayag nga gitahod ug gipanalipdan sa Philippine National Police (PNP) ang katungod sa matag Pilipino sa pagpadayag sa ilang opinyon ug pagpahigayon og malinawon nga tigom.

Apan matud ni Nartatez, kauban sa maong kagawasan ang responsibilidad nga dili ibutang sa peligro ang kinabuhi ug kaluwasan sa ubang tawo.

Daan nang gimandoan ang mga pulis nga magpabiling propesyonal ipatuman ang maximum tolerance matag dunay rallies apan kinahanglan silang molihok aron malikayan ang kadaot ug mapadayon ang kalinaw ug kahusay.

Sa miaging rally, gibanabanang 400 hangtod 600 ka partisipante ang miapil sa demonstrasyon nga nagsugod sa Fuente Osmeña Circle ug natapos sa Colon.

Sa pagkakaron duna nay 12 ka indibidwal ang posibleng pasakaan og kaso kalabot sa maong kagubot tungod sa paglapas sa Section 13(g)(3) sa Batas Pambansa Blg. 880 o Public Assembly Act of 1985, nga nagdili sa malisyosong pagsunog og butang diha sa kadalanan o mga agianan sa publiko.

Gihangyo sa kapulisan ang mga rally organizers ug partisipante nga makigtambayayong sa mga awtoridad aron masiguro nga ang ilang katungod sa pagpahayag mapahigayon nga malinawon ug dili makapameligro sa komunidad. (BANAT NEWS)

CEBU CITY POLICE OFFICE

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with